صدفة التقو عيونها بعيوني..
ومن غير وعد ع البيت عزموني..
قلبي فلت مني سبقني وطار..
ومدامعي ع درب دلوني..
ولحقت قلبي وعملت مشوار..
ع بساط جانح والريح مجنونة..
أحلى ما ايدي تحترق بالنار..
ع بابها دقيت بجفوني..
وقالت يا اهلا ودخلت ع الدار..
وعيونها بديو يحاكوني..
وايدين متل الشمعتين قصار..
ما عرفت كيف وليش ضموني..
ولفو ع وسطي داير ومندار..
ولولا ما اجمد كانو حرقوني..
والحاجبين الجار حد الجار..
سيفين بالحدين ذبحوني..
والشعر يا ليلة بلا انوار..
من عنبر كوانين مشحونة..
والعنق متل الخيط ع البيكار..
مسكوب لا ورقة ولا معجونة..
والأنف أمأم شايلو العطار..
من دموع أحلى زهور ليمونة..
ياناس هيدا لي جرى ولصار..
تتصدقوني تاتلوموني..
روحو معي ع بيتها مشوار..
وتفرجو ع حسنها من بعيد..
وان ضل فيكن عقل لوموني
..
